Петар Печков
Објавено: петок, 04 мај 2012
Велешанецот Томе З. заедно со скопјаните С.Г. и А.Џ. се осомничени дека ја оштетиле државата за 1,2 милиони евра информираше МВР. Финансиската полиција поднесе кривични пријави против нив за измама, даночно затајување и фалсификување на документи.
Тројцата измамниците во претходните две години основале 39 фирми, а како потписници и управители за одреден паричен надомест ангажирале други лица, најчесто стечајци и лица кои немаат имот. Скопјаните С.Г. и А.Џ. управувале и раководеле со работењето на 39 правни субјекти, каде биле овластени потписници на банкарските сметки и налогодавачи.
Откако истите фирми ќе ги дотерале во загуба, со неплатени долгови кон доверителите и државата, за да не фигурираат како основачи и управители на правните субјекти, со помош на велешанецот Т.З. пронаоѓале лица кои ќе фигурираат како управители. Тие требало да немаат имот и да се во лоша финансиска состојба а за ова добивале надомест од 3 до 30 илјади денари. Потоа фирмите завршувале во ликвидација, доверителите и државата немале до каде да ги наплатат побарувањата, бидејќи наводните управители биле стечајци без имот.
Tweet |