Петар Печков
Објавено: недела, 20 мај 2012
Без малку целиот црковен врв на МПЦ беше присутен во Велес на осветувањето на канцелариите и трпезаријата во црквата Св. Спас. Овој објект се градеше скоро една година и со неговата изградба треба да придонесе за поголемо почитување на христијанските обичаи при давањето на храна но и да се избегнат зголемените материјални трошоци на верниците при погребите и одењето по ресторани во чест на починатите. Трпезаријата има капацитет од 80 до 90 гости и на располагање е на христијанските верници при погреб или помен на нивните блиски. Објектот е изграден со средства од Повардарската епархија и донации од верниците.
Овој објект е во служба за покојните, но и живите ќе имаат помош од него. Во оваа година на јубилеј убаво е кога имаме повод да се собираме за работи кои го олеснуваат животот на верниците - рече поглаварот на МПЦ ОА г.г. Стефан.
Корисниците во неа ќе можат да добијат комплетен оброк од ручек до пијалак а при погреби и варена пченица, блудец, сендвичи, и се што е потребно за овој чин. Во објектот има и санитарен јазол. Претпладнето се одржа Света Божествена Литургија со која чиноначалствуваше Неговото Блаженство, Архиепископот Охридски и Македонски г. г. Стефан, во сослужение со Владиците Иларион, Агатангел, Петар, Тимотеј.
Tweet |