Петар Печков
Објавено: сабота, 10 октомври 2026
Џиновската пита пастрајлија која се подготвуваше шест часа, се исече и изеде за 12 минути. Од нејзината продажба која беше хуманитарна, волонтерите на Општинската организација на Црвен крст Велес собраа 15.400 денари, што е повеќе од ланските 12 илјади а помалку од рекордните 16 илјади пред две години.
Средствата ќе се наменат за набавка за пакети на храна, во Неделата на борбата против гладта, која се одбележува од понеделник. Џиновската пита со години е донација од фурна Гемиџии, и секоја година е се поголема и поголема.
„Годинава го срушивме сопствениот рекорд и поголема е од лани за 10цм. сега е 4,40м. Се подготвуаше шест до седум часа, два часасе за обработка на местото а останатите е подготовка на тестото и печење. Ветувам дека питата уште неколку години ќе расте и ќе биде поголема од годинава, но сепак фурната има граници“ – кажа Александар Јамалов, сопственик на фурната Гемиџии.
Во нејзината подготовка учестувале 10 пекари, употребени биле 17 кг брашно, од што се добиени 28 кг. тесто, 45 кг. свинско месо и 370 јајца, плус сало.
| Tweet |
