Петар Печков

Објавено: четврток, 07 април 2016 2350 251

 Петнаесет години велешките производители   на мед,  одгледувачи на пчели  се собираат на Благовец. Тие  овој ден одлучиле да биде  нивен патрон, затоа  се собираат, дружат и разменуваат мислења за работата која ја работат. Собирот годианва се одржа  во црвката Св. Спас се благослови масата, полна со мед од производителите,   кои си посакаа среќна и бериќетна година 

 Во религијата се споменуваат медот,  пчелите, нивната вредност, а и кај народот е познато дека на  овој ден се вади медот  за  пренесување во црквите - објасни    Љупчо Станковски претседател  на агро здружение  Агро Фаланга  од Велес,  во кое   членуваат и  пчеларите од велешко.

Тој заедно  со Тони Дуков го оживеале овој ден, собир на пчеларите а со формирањето на Здружението, тие  се  го организатори  на  настанот.  Годинава собирот се одржа   во црвката Св. Спас  а свештените лица Горан Панзов и Борис Симоновски ја   благословија празничната маса.    

 Годинава имаше тројца кумови и тоа мошне млади лица, кои  се одлучиле да бидат  одгледуваат пчели.

 Со пчеларство  се бавам десетина години.  Имам љубов  кон пчелите од млади години. Имаше  успони, имаше падови, но  опстојуваме и задоволен сум од пчеларството - рече  Благој Ѓорчевски кој има триесетина пчелини семејства.

 Од раѓање сум со пчелите, мојот дедо беше пчелар и јас  ја  продолжува   оваа работа.  Ова е семеен бизнис - рече  Лазе Андовски кој сандаците со пчели ги чува во  село Крајници и има  преку сто пчелини семејства.

Јас сум нов во оваа  работа, лани прв пат  започнав  да одгледувам. Во семејството немаме искуство, јас сум прв  кој одгледува пчели, сакав да пробам  и не се каам     - рече Трајче  Милевски. Тој пчелите ги чува во долниот тек  на реката Бабуна.  

 Меѓу триесетината гости имаше и пчелари кои се со долгогодишно искуство. Таму  беше и   Стево Стојменовски, чиј пчеларник е  во  Овче Полието, кој  со  одгледување на пчели  се бави од 70-тите години

Лани имаше средно арна година. Почетокот годинава  е добар,  немаше ветер  и очекувам медоносна година. Кога сум  почнувал кило мед бил 50 денари, сега стаса до 350 денари, доволно и благодарение на субвенциите  е во ред - рече Стојменовски. Неговиот мед  се откупува од Даути Комерц. 

 Во велешко  има 189  пчелари,  според бројката кои примаат субвенции  но далеку е поголем бројот оти има лциа кои  имаат помал број на пчелини семејства