Петар Печков

Објавено: вторник, 03 февруари 2015 1166 265

Состојбата со високиот водостој во поширокиот велешки регион  најмногу  ги погоди жителите на општина Градско. Таму се поплавени поголеми површини на обработилива површина, повеќе десетина хектари а реката Брегалница однесе дел и од земјиштето долж течението.  Дел од овие површини се земени под концесија од државата за работа, дел се сопственост на земјоделците. Овие информации ги  потврди и градоначалничката Жанета Чаушевска.   

 Брегалница поплави земјоделски површини и однесе дел  од земјиштето. Поплавени се делови и од селото Уланци до Старо Градско, кои се по течението на реката Вардар.  Комисиите веќе се на терен, по  што ќе може да се каже колкава штета е причинета. Мостовите на Ногаевци и Уланци се безбедни, наносите до дрвја се отстранети и  исчистени  - изјави Чаушевска.  Во целата несреќа добро е што  малку од површините биле засеани со некоја  култура. Но земјоделците сепак ги чека доста работа да се исчистат нивите од тињата и наносите. 

 Во велешко,во долниот тек Бабуна ги однесе пешачките мостови а поплавени се и десетина куќи.

Беше многу страшно, во понеделникот попладне. Реката надојде. Куќите кои се покрај ена се поплавени, а однесени се и двата пешачки мостови. Беше мошне лошо, и  сликата и глетката. Одамна реката не била толку голема - вели Бошко кој живее во куќите близу фудбалското игралиште. 

 Расте нивото и на езерото Младост. Тоа денес е само половина метар од прелевање.  Рудничка река и Отовичка и натаму носат вода. 

За да прелие водата преку брната потребни се уште 500 илјади м3 вода.  Не очекуваме дека тоа може да се случи. Ни и ако дојде до тоа, нема битно да влијае на  нивото на реката Вардар и безбедноста на  велешани - изјави Бобан Пановски директор на  ЈВП ХС Лисиче.