Петар Печков

Објавено: понеделник, 03 октомври 2011 655 348

Жири комисијата за доделување на награди за овогодинешниот Меѓународен стрип конкурс, како дел од традиционалниот Интернационален салон на стрип „ВЕЛЕС 2011‘‘, ги прогласи овогодинешните лауреати.

За најдобар е прогласен стрипот на Иван Коритарев од Бугарија, пред Стеван Шубиќ од Србија и Хулиан Роча од Аргентина.

Стрип центарот на Македонија со седиште во Велес им додели и специјални награди на Јелена Ѓурѓевиќ-Максимовиќ од Србија, Мирела Менциаси од Италија и на Дарко Богданов и Беатрис Петровска од Македонија.

Извршниот директор и основач на Македонскиот стрип центар Ване Трајков е задоволен од одѕивот на пријавени стрип автори како од странство, така и од Македонија.

Токму оваа асоцијација од поодамна го започна процесот на давање шанса на македонските таленти, нивно запознавање со странската стрип сцена и фестивали од каде не изостанува и некоја награда - изјави Трајков.

Македонскиот стрип центар-Велес деновиве го издаде и 13 број на списанието „СТРИП КРЕАТОР‘‘.

Во него освен наградените стрипови од меѓународните конкурси за стрип заслужено место добиваат и македонски автори со што се популаризира и македонската стрип сцена - вели Трајков.