Петар Печков
Објавено: вторник, 27 април 2021
Викендов во Лагово- прилепско се возеше втората трка од мото крос шампионатот на Македонија. Во класата до 250 кубици, доминација на велешките мотористи од МК Мото Велес. Драган Ванов на Кавасаки беше прв а Даниел Јаневски на КТМ беше втор. Трет во оваа трка беше велешанецот Виктор Караколев, кој вози за МК Ендуро тим Водно. На првата трка за мото крос, која се возеше во април на патеката Орман - скопско, повторно доминација на членовите на МК Мото Велес, Даниел Јаневски беше прв а Драган Ванов беше трет.
Слаб пласман за тројцата велешки велосипедисти, кои минатата седмица учествуваа на трката Белград- Бања Лука, која се возеше во четири етапи и голем број учесници од повеќе држави. Никола Лефков беше 129-ти со 14:45 заостаток ( по првата етапа 20 секунди заостаток), Виктор Ванчевски беше 139-ти со 26:11 заостаток зад победникот (по првата етапа 1:02) а Кристијан Ванчевски беше 143 од 144 учесници, кои ја завршија трката, кој имаше заостаток од 34:55 (по првата во плус 1:02). Тројца велешани беа во состав на македонската велосипедска репрезентација, која учествуваше на еуро тур УЦИ 2.2 трка Београд-Бањалука, од светскиот календар.
| Tweet |
