Петар Печков

Објавено: петок, 07 август 2026 2718 2

Во периодот 2018/19 -2025/2026 Велес е рекордер од поголемите македонски градови за процентуалното намалување на бројот на ученици, првоодделенци.

Според Државниот завод за статистика Велес е лидер со 26,7% или во апсолутни бројки од 561 првооделенец пред седум години,  паднал на 411 лани. Веднаш за Велес се Прилеп 24,6, Куманово 23,3, Гостивар 19,8  и Битола со 19,2%. 

Во помалите општини бројките се над 50 отсто – Ново село 72%, Пласница 63,5, Дојран 59, Новаци, Конче, Берово, Зрновци, Кривогаштани, Ростуше Маврово... но таму бројот на ученици е двоцифен. 

Статистиката покажува дека бројот на првачиња во Македонија се намалува секоја година, во изминатите седум години е намален за 4200 деца. Во учебната 2018/2019 биле запишани над 22.100 првачиња, а минатата 2025/2026 година се запишале 17.921, што е намалување од 19 отсто.

Во Велес состојбата е следна:
Во учебата 2000/2001 имало  6.947 основци  а  во 2025/2026  биле 4.172. 

Во процесот на  средно  образвоание во  2017/2018  биле  2.191 ученика а  во 2025/2025  нивниот број е     2.093 ученици. 

Во ПОУ Маца Овчарова  во 2018/2019  биле запишани   55   ученика а   во учебната   2025/2026 бројот е   47.

Во академската 2025/26 година на факултетите, приватни-државни,  запишани биле 1.213 студенти со место на живеење општина  Велес, Градско 46, Лозово  30, Чашка 72. Во 2025 дипломирале 201 студент со адреса на живеење општина Велес.

 фото архива ТрМр