Петар Печков

Објавено: вторник, 18 декември 2012 2292 325

Велешанецот Звонко Јованов (48) загина кога автомобилот што го возел паднал во бездна, во понеделникот вечерта на автопатот Велес- Скопје, соопшти МВР.

Според полицијата, сообраќајната несреќа се случила околу 20 часот на третиот мост по наплатната рампа Отовица. Јованов, кој управувал автомобил „опел корса“, од засега непознати причини изгубил контрола врз возилото и удрил во банкина.

Од ударот банкината попуштила, а автомобилот паднал во бездна. Јованов починал на самото место на несреќата.