Петар Печков
Објавено: четврток, 04 декември 2008
Велешани се жалат на услугите на кабелската телевизија „Кабелтел“ и велат дека нивните поплаки не стигнуваат на вистинското место. Реакциите најмногу се однесуваат на покачената цена, која не била соодветна со понудениот квалитет.
- Минаа два месеца како ја покачија месечната претплата за 100 денари, а и натаму не ги гледаме новите десетина канали. Плаќаме 450 денари, а наместо 66 канали, колку што нудат, ние гледаме 50-ина. Згора на тоа квалитетот на сликата е слаб. Никој ништо не презема и не знаеме каде да се обратиме - велат незадоволните претплатници.
Тие посочуваат и на проблемите со дополнителните канали за кои плаќаат екстра-цена, на некои немало превод, а на други често се прекинувал сигналот. Незадоволни се и од работата на Советот на корисници, кој е законска обврска за кабелската мрежа, но не знаат ни кој е таму член од претплатниците, колку редовно се состанува и дали воопшто работи. Неколкупати се обидовме да добиеме коментар од надлежните од „Кабелтел“, но не добивме одговор ниту од Велес ниту од централата во Скопје.
- Минаа два месеца како ја покачија месечната претплата за 100 денари, а и натаму не ги гледаме новите десетина канали. Плаќаме 450 денари, а наместо 66 канали, колку што нудат, ние гледаме 50-ина. Згора на тоа квалитетот на сликата е слаб. Никој ништо не презема и не знаеме каде да се обратиме - велат незадоволните претплатници.
Тие посочуваат и на проблемите со дополнителните канали за кои плаќаат екстра-цена, на некои немало превод, а на други често се прекинувал сигналот. Незадоволни се и од работата на Советот на корисници, кој е законска обврска за кабелската мрежа, но не знаат ни кој е таму член од претплатниците, колку редовно се состанува и дали воопшто работи. Неколкупати се обидовме да добиеме коментар од надлежните од „Кабелтел“, но не добивме одговор ниту од Велес ниту од централата во Скопје.
| Tweet |
