Петар Печков

Објавено: четврток, 15 октомври 2026 200 2

На прес конференција велешанката Адријана Арлен ја најави нејзината прва концертна турнеја именувана „Сребрена ноќ 2026“. Ја започнува од родниот Велес на 31 октомври, следи Битола на  12 ноември , па Штип на 14 ноември  и завршува во Скопје во Филхармонија на 7 декември. 

Концертот во Велес ќе го одржи на сцената на велешки театар, и ќе настапи на клавирот „Естонија“  на кое започнала да музицира во ОУ Св. Кирил и Методиј во 1995 година. Тоа е нејзин прв настап по 20 години во Велес откако замина, работи и живее во Шведска. 

„Концертот ќе изобилува со класчина кросоувер музика. Тоа е моја преработка на многу популарни  класични дела, Бетовен, Шопен, Рахмањинов, има и дел мои камерни композиции. На сцената ќе биде и Камерниот оркестар од Битола  ДИВА. Гости ми се познат саксофонист од Скоопје мој колега, оперрскиот  пеач  Дарко Тодоровски кој е многу попупарен надвор од границите на Македонија. Имам изненадување за крај со ДЏ кој ќе настапи со  мои композиции. Ќе изведам и филмска музика, која е мојата страст“ – кажа Арлен.

Адријана започнува да свири од 11 година, со приватни часови по музика во Велес, завршува средно и музичка академија во Скопје а во Малме Шведска завршила магистратура. Таа таму денес живее и работи, како професор по клавир во музичко училиште. Таа има богата дискографија пет ЦД и бројни  видео спотови. 

„Луѓето не знаат на што  доаѓаат  а од друга страна на крај ќе се воодушеват од тоа што ќе го слушнат, видат. На тие што не дошле кога ќе дознаат како беше, ќе им биде криво“ - рече Арлен.

Билетите за концертот се пуштени во продажба во велешки театар.