Петар Печков
Објавено: четврток, 18 јануари 2024
Маја Велиновска е повторно избрана за директор на Детските градинки „Димче Мирчев“ од Велес. Таа е дипломиран професор по предучилишно воспитување на Педагошкиот факултет Гоце Делчев при УКИМ и дипломиран професор по одделенска настава при Педагошкиот факултет при УГД од Штип.Велиновска и претходните четири години беше на оваа раководна позиција а пред тоа беше 11 години вработена во градинката.
Владата на седницата од 9 јануари, именува два државни правобранители на подрачјето на Основен суд Велес, тоа се дипломираните правници, адвокатите Ристе Богоевски и Дејан Трајчевски. Ова доаѓа по предлог на Комисијата за именување.
Државното правобранителство е државен орган кој превзема мерки и правни средства заради правна заштита на имотните права и интереси на Република Северна Македонија. Државен правобранител за Велес е Валерија Николова.
| Tweet |
