Петар Печков

Објавено: петок, 15 мај 2020 818 173

По неколку часовна консултација на седницата на Советот за безбедност, претседателот Стево Пендаровски соопшти дека донел одлука да прогласи нова вонредна состојба во траење од 14 дена, а не во траење од 30 дена како што побара Владата.

Министерот за здравство претходно побара продолжување на вонредната состојба, а Владата предложи продолжување од 30 дена.

Дел од мерките кои ги предложуваме важат за вонредната состојба и важно е да важат и понатаму, во однос на рестрикциите и уредбите - рече министерот Филипче.

Првата вонредна состојба беше прогласена од 18 март, а втората на 17 април, поради состојбата со ковид-19. Владата на денешната седница донесе заклучок да достави предлог до претседателот на државата за продолжување на вонредната состојба за уште 30 дена.