Петар Печков

Објавено: сабота, 08 август 2020 4331 145

Не 12 туку три случаи има регистрирано од Центарот за Јавно здравје во Велес. Наспроти податокот кој ја вознемири велешката јавност, дека во градот има нови 12 случаи, кој го објави Министерството за здравство,  од ЦЈЗ информираат  за три нови и двајца оздравени.

Има три случаи и тие се од лица велешани, но работат надвор од градот. Едната е жена вработена во Кавадарци, другиот е маж кој работи патник во други градови и третиот случај е член на неговото семејство. Имаме и двајца оздравени и двете лица биле на домашно лекување - изјавија од Центарот за јавно здравје Велес.  

На Инфективното одделение од велешка болница има  сместено 14 лица и сите потврдено позитивни. Пет се од Велес, четири од Неготино и пет од Свети Николе. Портапролот на Општа Болница Велес д-р. Весна Николовска Неделкова информираше дека вечерва е примен уште еден велешанец со симптоми, но без потврда дека е позитивен.

Градоначалникот Аце Коцевски како командант на Штабот за заштита и спасување реагираше за оваа бројка.

Според добиените инфомрации  во Велес има три случаи. Останатите се од селата Црнилиште, Мустафино, скопски улици кои не постојат во Велес. Овој податок за 12 ново заразени во Велес ја вознемири јавноcта и имаше многу реакции и јавувања - изјави  Коцевски.