Петар Печков
Објавено: понеделник, 03 ноември 2025
Сите четири кандидати за градоначалник во Тиквешијата и Овче Поле, каде вчера се гласаше во втор круг, победија од ВМРО-ДПМНЕ. Во Неготино Марија Нацева со 51,44% гласови против кандидатот Петар Мантев со 43,30%. Во Демир Капија Наталија Димитриева со 49,96% над Лазар Петров со 47,10%. Во Росоман Ѓорѓи Крстевски со освоени 49,68% а Стоја Николов имал 46,68%. Во Лозово победи досегашниот градоначалник Бошко Цветковски со 49,56% над Ацо Велковски со 46,39% освоени гласови. Сите четворица против кандидати во овој изборен круг во овие четири општини беа од СДСМ.
Во Лозово имаше излезеност од 77,85% и неважечки 4 отсто ливчиња. Во Неготино имаше излезеност од 57,60% и шест отсто неважешки ливчиња. Во Демир Капија излезеност беше 76,77% а имало неважечки три отсто гласачки ливчиња. Во Росоман излезеноста беше 79,68% со 3,5 отсто неважечки ливчиња.
Резултатите се официјални според Државната изборна комисија, но не и конечни, бидејќи учесниците во изборниот процес имаат право на жалба, ако како забелешка го навеле во записникот по завршувањето на гласањето од изборните места.
| Tweet |
