Петар Печков

Објавено: недела, 24 ноември 2024 86 6

Paкометарите на РК Бисинов во 12 коло, ја забележаа втората победа во првенството, во дербито на дното,сите две над екипата на РК Струга со 37:30 (19:15). Ова е прва победа на велешани на домашен терен. Тие ја имаа предноста во текот на сите 60 минути и се радуваа на победата со која се искачија едно место на табелата, го прескокнаа гостинот и сега се 10-ти  со 5 бода. Во следното коло играат повторно дома а гостува скопски РК Вардар.

Во дербито на дното од Првата футсал лига, составот на КМФ Кеги моби  се врати непоразен од  Кавадарци, каде одигра нерешено 3:3 со КМФ Црна река. Велешани со овој бод остануваат последни со 2 бода, по 7 одиграни кола. Во следното коло во Велес гостува екипата на КФМ Железарец која е 5-то пласирана со 9 бода.

Во дербито на 9 коло од Првата одбојкарска лига, ОК Штип, Универзитет Гоце Делчев, убедлив и со максимални 0:3 ( 17, 20, 13)  го совлада домашниот ОК Борец. Со овој пораз, втор во првенството, велешани паднаа на 3-то место од табелата а противникот се искачи на второто. Во следното коло в среда ОК Борец гостува во Пробиштип на составот на ОК Весна, кој е претпоследен со една победа.

Во 7-то коло од Втората кошаркарска лига, победа за велешани, КК Борец баскет славеше над КК Бутел со 79:68, (37:30) во натпревар во кој немаше дилеми за победникот. КК Борец баскет е на делба на првото место со КК Соколи, со 13 бода, 6 победи и еден пораз. Следното коло велешани гостуваат  во Прилеп на КК Мега баскет кој е 7–ми во група екипи со 4 победи и 3 порази.

Во 13 коло од Втората фудбалска лига, нов пораз за ФК Борец со 0:1 од ФК Арсими во Чегране, кој е 4-то пласиран, со гол примен рано, уште во 4 минута. Велешани остануваат претпоследни 13 со 5 бода а во следното коло дома го пречекуваат тимот на ФК Беласица од Струмица, кој е 10-ти со 16 бода.