Петар Печков

Објавено: недела, 13 октомври 2013 920 259

Сè што треба да знаете за здраво срце може да разберете  в четврток на 18-ти октомври  во Велес во рамките на карванот „Слушни го срцето“ на клиничката болница „Аџибадем Систина“ заедно со Здравствената групација „Аџибадем“.

Граѓаните ќе имаат шанса да направат бесплатни кардиоваскуларни прегледи, но и да добијат стручни совети како рано да ги дијагностицираат и да ги контролираат кардиоваскуларните заболувања. Прегледите ќе се изведуваат во специјално опремена мобилна болница од страна на искусниот тим на кардиоваскуларниот центар на „Аџибадем Систина“.

Граѓаните ќе можат да го проверат степенот на кардиоваскуларниот ризик одреден преку мерење телесна тежина и висина, одредување на индексот на телесна маса (BMI), мерење на нивото на холестерол во крвта, ЕКГ и други испитувања по препорака на лекарот-специјалист. Целта на кампањата е граѓаните да добијат стручна едукација и здравствени консултации и преку овие активности да се подобри здравствената состојба на популацијата.

Најважно е да го слушнеме ритамот на срцето, зашто според СЗО, најголем број од граѓаните умираат токму од артериосклероза. Да го слушнеме, и тоа во вистинско време, зашто секој лек е лек ако почнете да го давате благовремено – вели  д-р Митко Караѓозов, тораковскуларен хирург во „Аџибадем Систина“, кој е еден од експертите што  учествуваат во кампањата. Од клиничката болница велат дека телефонските повици покажуваат дека кај граѓаните има голем интерес за карванот. Потсетуваат дека нема потреба од телефонско закажување.