Петар Печков
Објавено: недела, 10 ноември 2024
Одбојкарите на ГОК Борец со нова максимална победа од 3:0 (25:15, 25;18, 25:16) над ОК Лирија се лидери во првенството, први. Дома без многу проблеми славеа за искачување на врвот. По ова петто коло имаат пет победи од пет натпревари. Во следното коло, среда, играат во Скопје со последно пласираниот ОК Јанта волеј, кој нема ниту еден бод.
Продолжи првенството на Првата футсал лига, но резултатски ништо ново за КМФ Кеги моби, нов убедлив пораз во 5 коло од КМФ Јувентус Серава во Скопје, во дербито на дното со 7:2. Иако велешани со многу пофалби иоптимизам, најавуваа силна екипа, во пракса разочарување. Тие се претпоследни 9-ти со само еден бод. Во следното коло играат дома со лидерот КМФ Шкупи.
Фудбалерите на ФК Борец загубија дома во натпревар со лидерот ФК Македонија ЃП со 0:2 (0:0). Останува забележан вториот гол на гостите, постигнат на истекот од натпреварот, кога домашниот голман му подари, додаде топка на гостински фудбаелр во 16 метри, кој можеше да избира каде ќе ја смести, во кој дел од мрежата. Управата на ФК Борец реагираше на судењето, дека биле оштетени за пенал, при водство на гостите до 0:1. Со ова завршр првиот дел од првенството на Втората лига и по 12 одиграни кола, ФК Борец е претпоследен со само 5. Првенството продолжува на 23 ноември кога велешани гостуваат на ФК Арсими, кој е 4-ти со 23 бода.
Кошаркарите на КК Борец баскет во финишот од натпреварот стигнаа до победа од 100:90 над младата екипа на КК Водно санс, која има само една победа. Велешани славеа и сега се во група од четири екипи кои се на врвот со по 4 победи и еден пораз. Во следното коло, гостуваат во Скопја на КК Работнички 2008 кој има само една победа.
Двата дерби натпревари од Третата лига Југ, завршија идентично , нерешено 1:1. А играа прво и трето, второ и четврто пласираните тимови. Во Превалец, домаќинот го пречека тимот на ФК Росоман, додека во Чашка ФК Башкими од Горно Јаболчиште играше со ФК Големо Коњари. По ова 10 коло, ФК Башкими е 4-ти со 16 бода а ФК Превалец е 5-ти со 15 бода. Во следното коло и двете екипи од ОФС Велес гостуваат. ФК Башкими на ФК Слога во прилепско Лажани, која е претпоследна 12-та со 4 бода а ФК Превалец оди во Дреново, кај истоимениот тим кој е 9-ти со 10 бода.
| Tweet |
