Петар Печков
Објавено: понеделник, 20 октомври 2025
ДИК со официјален, но не и конечен податок за избор на градоначалник на Општина Велес. Марко Колев, кандидат на ВМРО-ДПМНЕ победи со убедливо мнозинство гласови, освои 13.992. Тоа е за 10,9 илјади повеќе од кандидатката на СДСМ Маја Хеско која има 3.050 гласови а Мирјана Деловска кандидат на партијата Демократи имаше 468 гласа.
Со ова Колев доби втор мандат за градоначалник на Велес. Податокот не е конечен, оти учесниците имаат право на жалба. Излезеноста во Општина Велес, за избор на градоначалник била 42,44%.
Во Советот на Општина Велес, кој брои 23 членови, апсолутно мнозинство има колицијата на ВМРО-ДПМНЕ со 16 советници, СДСМ и Левица имаат по три и ЗНАМ едно. Или ВМРО-ДПМНЕ и коалицијата освоија 54,56%, Левица 13,59%, СДСМ 13,08%, ЗНАМ 4,90%. Во овој состав нема да има член Албанец, што изминатите состави се случуваше.
| Tweet |
