Петар Печков

Објавено: понеделник, 28 септември 2026 200 2

Двајца велешани А.С. (67 год) и Д.С. 42 (год) измамиле 88 годишен стружанец за што тамошната полиција им поднесе кривична пријава за кривичното дело „измама“.  

„На 6 август  во Струга, пријавените довеле во заблуда 88-годишник и му одзеле 300.000 денари. Тие побарале од него да им донесе денари за да ги види сопругата на едниот од нив, која била од странска земја, а за возврат ќе го награделе. Тој ги донел парите и им ги дал, а тие како гаранција му дале чанта за која му кажале дека има околу 10.000 евра внатре. Пријавените заминале, а откако не се вратиле за половина час и оштетениот си заминал дома и кога ја отворил чантата видел дека нема пари во неа и сфатил дека е измамен“ – соопштија од МВР.

Истите иницијали со иста возраст на две лица А.С. (67 год) и Д.С.(42 год) од Велес се појавуваат во билтенот на МВР  на 20 август, кога во нивниот дом бил извршен претрес, со обезбедена судска наредба.

„При претресот беа пронајдени и одземени повеќе лажни банкноти во евра со различни апоени, српски динари и повеќе златници со жолтеникава боја налик на злато, циркони, алка со циркони жолтеникава боја, алка синџир жолтеникава боја тркалезни топчиња налик на кристали повеке кутии за накит и мобилни телефони кои ги користеле за извршување на наведеното кривично дело“ - соопштија од МВР.

Овие активности биле  преземени за расчистување на две кривични дела „измама“ извршени во Охрид и Струга, при што сторителите се стекнале со противправна имотна корист од 5.500 евра.