Петар Печков

Објавено: понеделник, 26 декември 2022 322 49

Деградираните дрвја кои се сечат од јавните површини во Велес, се делат на социјалните случаи. Има реакции од граѓани за количините кои ги добиваат. Од локалната власт велат дека треба да се задоволат потребите на повеќе граѓани, социјални случаи и не може да се дели колку тие што барат, туку толку колку што има.

„За да добијат граѓаните од овие дрвја, треба да поднесат барања со соодветна документација.  Тие барања ги разгледува комисија. Граѓаните кои ќе бидат прифатени ги добиваат до дома, ги носи трактор на ЈКП Дервен. Останува на нив само да ги исцепат.  Постапено е по сите барања. Може да се достават од 1,5 до 2 кубика. Не можеме да дадеме 10 кубика, толку се можностите“ - кажа градоначалникот Колев.