Петар Печков

Објавено: четврток, 04 април 2024 156 34

Дури четири премиери оваа седмица се на репертоарот на 3Д киноверзум во Велес.

Хоророт „Првиот предзнак“  e шестиот филм од франшизата Омен. Млада Американка е испратена во Рим за да започне живот во служба на црквата, но наидува на темнина што ја натера да ја доведе во прашање нејзината вера и открива застрашувачки заговор.

Премиера има и македонскиот филм кој е снимен на турски јазик, „Најтешко нешто“: Има настани со кои треба порано или подоцна да се соочиме, без разлика дали се добри или лоши. Сепак, она што нè дефинира не се настаните или нивниот исход, туку изборот што го правиме самите ние. НАЈТЕШКОТО НЕШТО е современа драма за преживување на најтешките ситуации во животот и тактиката што ја користиме за да се надминат овие предизвици. Ова е приказна за животи кои згаснуваат и надежи кои расцветуваат. (видео)

Акцијата „Monkey Man“ е исто така премиера. Анонимен млад човек започнува кампања на одмазда против корумпираните водачи кои ја убиле неговата мајка и продолжуваат системски да ги жртвуваат сиромашните и немоќните.


Комедијата „Мајами бици2“ е исто така прeмиeра.  Кога Романците Пициу и Била ќе слетаат во Лос Анџелес, тие се на врвот на светот. Но, како што нуркаат подлабоко, сфаќаат дека пливаат со мафијата  со кредитни картички! Подгответе се за диво возење низ градот на ангелите, додека тие се борат за својот дел од американскиот сон.

Најгледаниот филм во светот изминатиот викенд   спектаклот „Годзила и Конг,новото царство“ е втора седмица на репертоарот на 3Д киноверзум. Двајца антички титани, Годзила и Конг, се судираат во епска битка додека луѓето го откриваат своето испреплетено потекло и поврзаноста со мистериите на Островот на черепот.

Американската драма, трилер, „Мајчински инсинкт“ е за  Алис и Селин кои живеат традиционален начин на живот со успешни сопрузи и синови на иста возраст. Совршената животна хармонија ненадејно се нарушува по трагична несреќа. Вината, сомнежот и паранојата се комбинираат за да ја разоткријат нивната сестринска врска.

Српскиот филм „Јорговани“  ги полни кино салите во регионот. Катарина (Слобода Миќаловиќ) и Игор (Иван Босиљчиќ) се актери кои се заедно и на екранот и надвор од него. Заслепени од блесоците и оглушени од аплаузите, Катарина и Игор, иако неразделни, долго време ниту се слушнале, ниту се виделе, до доделувањето на наградите за најдобра серија на годината, каде ќе се собере целата екипа. Таму јасно се гледа и лицето и  позадината на филмската и телевизиската индустрија во Србија  ќе стане јасно дека нивните животи се поголема мелодрама од онаа што ја снимија.

Американскиот филм акција,  авантура и фантазија „Аквамен и изгубеното кралство“ . Аквамен ги балансира своите должности како крал и како член на Лигата на правдата, сето тоа додека планира свадба. Блек Манта е во потрага по атлантска технологија за да помогне во обновата на неговиот оклоп. Орм планира да избега од неговиот затвор во Атлантида. 

Анимираниот филм од студиото на Дизни „Желба“.  Внимавајте што посакувате. Од Дизни ни доаѓа филмот Желба - приказна за една девојка која си замислува желба на ѕвезда што паѓа... Но, планот се менува кога една ѕвездичка што предизвикува проблеми ќе слезе од небото и ќе ѝ се придружи во нејзината авантура.