Петар Печков

Објавено: среда, 01 декември 2021 475 107

Пораст на бројот на активни случаи со ковид-19 во велешко, откако има повеќе нови случаи од оздравени. Здравствениот билтен за изминатите 24 часа покажува дека во велешко има 14 ново заразени со корона вирусот додека оздравени се двајца. Бројот на активни случаи се  337.

Од велешка Болница објавија дека денес има починато пациент, маж на 57 годишна возраст, позитивен на ковид-19, со повеќе коморбидитети. Тој е 260-та жртва од последиците на корона вирусот.

Во трите ковид одделенија од велешка Болница  и претпладнево  имаше 33 пациенти двајца помалку од вчера.  Од нив 21  се позитивни потврдени  со ПЦР тест, непотврдени нема   и 12  се   негативни, но со здравствени проблеми, па  имаат потреба од здравствена заштита.

„Примени се двајца  нови  пациенти, испишани со по еден негативен тест се тројца. На  континуирана кислородна поддршка се 15 лица“ - кажа д-р Елена Левкова Ќулумова, портпарол на велешка Болница.