Петар Печков

Објавено: четврток, 12 ноември 2026 34 1

Ноември е месец посветен на борбата против зависностите, Општинската организација на Црвен крст Велес спроведен врсничка едукација со учениците од седмо одделение од ОУ „Васил Главинов“.

„Целта на едукацијата беше учениците да се запознаат со последиците и штетните влијанија од употребата на цигари, алкохол и дрога, како и да се подигне нивната свест за важноста на здравите навики и донесувањето правилни одлуки. Преку интерактивен пристап, учениците имаа можност да разговараат, да поставуваат прашања и да добијат корисни информации за ризиците од зависностите“ – соопштија од ОО Црвен крст Велес. 

Едукативни предавања за заштита од врсничко и сајбер насилство за учениците од основните училишта „Блаже Конески“ одржаа полициски службеници од СВР Велес. 

„Учениците беа запознаени со различните форми на насилничко однесување, облиците и начините на нивно манифестирање, но и со последиците што може да се појават, а им беа објаснети и методите за навремена превенција и справување со овој вид на девијантно однесување помеѓу младите“ – информираа од  МВР. 

фото ОО Црвен крст Велес