Петар Печков

Објавено: среда, 04 мај 2016 1828 322

Од почетокот на минатиот месец општина Лозово автобуски се  поврза со Велес.  Откако Советите на двете Општини, Велес  и  Лозово  го усвоија воведувањето на автобуската линија а Министерството за транспорт и врски ја одобри, на тендерот правото за превоз го доби  ,,Нино турс,, од Долно Караслари. Автовусите сообраќаат четири пати на ден, во  6, 7, 14.30 и 17 часот. 

Општина Лозово склучи спогодба со Општина Велес за организирање на меѓуопштински превоз на патници. Воведена е релација Велес - Лозово  Ова е голем бенефит за жителите на општина Лозово, кои имаат секојдевни потреби од посета на  Велес. Решено е  едно    прашање,  кое со години се  провлекуваше - рече Коста Штерјов, заменик градоначалник на општина Лозово.  

Релацијата  на која се сообраќа е од Велес преку Каратманово,  Дурфулија,  до Лозово, Милино и назад за Велес.  Автобусот од Велес тргнува од близина на Автобуската станица.    Остана да се реши за автобуска линија  од  Велес  уште за жителите на  населеното место Богомила и околните села,  на  кои единствената врска кон градот им е возот.