Петар Печков

Објавено: вторник, 01 септември 2020 212 154

За пет дена 87 граѓани казнети оти не носеле заштитна маска, по јавните простори во Велес, соопшти полицијата.

Најмногу ги имало во саботата на 29-ти август 32 а најмалку во петокот на 28-ми и вчера, понеделник 31-ви по девет. На 27-ми-четврток имало регистрирано 14 лица кои ја прекршиле уредбата на Владата за задолжително носење заштитна маска  и  во неделата на 30-ти имало 23 случаи. 

Во истиот период во Кавадарци имало  54 случаи, четвртокот на 27-ми -осум, петокот на 28-ми девет, саботата 16, неделата седум и вчера понеделник 14 случаи.

Во Неготино полицијата за овие пет дена  казнила  28 лица. По денови, во четвртокот на 27-ми десет, петокот две, саботата нема изречени казни, неделата две и вчера понеделник 14 лица се казнети за не носење заштитна маска на јавен простор.

Казната за ова е 20 евра во денарска противвредност, а доколку се плати во рок од  осум дена е 10 евра или 620 денари.