Петар Печков

Објавено: петок, 10 јануари 2020 11811 161

По предлог на Министерот за внатрешни работи Наќе Чулев, а со согласност  со дополнителниот заменик министер за внатрешни работи Славјанка Петровска, денес извршија именување на нови раководни лица на позициите раководители и нивни заменици. За СВР Велес нов началник  е поставен Игор Ангеловски а за дополнителен заменик  началник досегашниот началник  Злате Јаневски. 

Ангеловски е дипломиран дефендолог при Факултетот за  безбедност и одбрана на Универзитетот Св. Кирил и Методиј а подоцна е магистер по одбрана. Ангеловски дел од работниот стаж бил во единицата  специјални задачи -Тигар, па инспектор во обезбедување на ВИП личности и објекти, инструктор во центарот за обука во Идризово и самостоен инспектор во крим техника во СВР Велес.  Новиот началник на СВР Велес Ангеловски  има и меѓународни обуки, работа во Северна Каролина САД во 2009-та и во Турција во 2015-та. 

На денешната средба со новите началници и нивите заменици Министерот Чулев и дополнителниот заменик министер Петровска потенцираа дека законите мора да се почитуваат и да се исполни основната цел, покрај стандардните за гарантирање на јавниот ред и мир, а тоа е организирањето на мирни, фер и демократски избори на 12 април.