Петар Печков

Објавено: петок, 09 јуни 2017 815 356

Изложба на фотографии од стенсили  претставија  младите креативни средношколци од Велес. Тие  се плод на нивните примени знаења за време на двомесечната обука за  „Улична уметност“. 

Изложбата беше на отворено,во кафе бар ,,Сити,, и  на главната градска улица, на која беа презентирани нивните дела.

Организаторот задоволен  од покажаниот интерес од младите, активно да се вклучат во работилницата за практикување на стенсилите, како една од алатките за креативно изразување.

Главната цел е преку ваков тип на настани да се допре до младите и да се поттикнат слободно да се изразуваат и да креираат, а за тоа им е неопходен соодветен простор во градот. Исто така целта е да ги информираат граѓаните дека уличната уметност не треба да се третира како вандализам, туку како креативно уметничко изразување – велат од Медиа арт клубот. 

Тој  е место за младите кои сакаат креативно да ги изразат своите ставови и идеи. Членовите добиваат можност да научат како да снимаат видеа и аудио прилози, да создадат фото приказна, да научат за перформативна и урбана уметност. Во моментов постојат пет клубови во Македонија и тоа во Скопје, Тетово, Велес, Неготино и Струга.