Петар Печков

Објавено: четврток, 23 септември 2021 973 106

Изгорените дрва од пожарот на 26-ти август 2019-та се уште сведочат за големата огнена стихија, која ја опустоши шумата од околината на езеро Младост.

Иако минаа две години, дел од нив  се уште  не се отстранети  и се грда слика, посебно за содржините од забавниот парк и паркот на авантурите, кој беа уредени со средства од ЕУ и Швајцарија.

Тие се наоѓаат во делот на опфатот на деталниот урбанистички план и се во надлежност на локалната власт, која треба да ги отстрани.

„Приоритет дадовме на површните кои требаше да се уредат и веќе се завршени, тоа се двата парка. Не знам дали можеме во текот на оваа изборна кампања нешто да сториме, немаме предвидено средства. Не можат да се прават јавни набавки во текот на кампањата. Останува за следната локална власт тоа да го среди“ - објасни Коцевски.   
Дрвата во погорните, повисоките зони на езеро Младост,  се во надлежност на ЈП Македонски шуми.