Петар Печков

Објавено: петок, 06 јули 2018 873 288

Вчера во Нион, Швајцарија беа извлечена ждрепката за пред квалификациите во Лигата на шампионите во футсал. Екипа на КМФ Велес како првак на Македонија се најде меѓу 57-те клуба учесници во ова натпреварување. Ждрепката сакаше во пред квалификациите  екипата на КМФ Велес да бидат домаќини на група во која се најдоа и првакот на Малта -  ФЦ Валета на Република Ирска  Футсамба нас и на Естонија ФЦ Космос Талин.    

Пред квалификациите ќе се играа турнирски секој со секого во терминот од 28 август до 2-ри септември а велешани ќе играат во  Скопје оти салата Гемиџии не ги исполнува условите. Според рејтингот кој го објави УЕФА велешани се фаворити оти на листата од 57-те учесници се наоѓаат на 26-то место, потоа на 35-то место е претставникот на Малта и на 48-мо претставникот на Република ирска. 

Веднаш е извршена и ждрепката за  главана рунда, каде доколку КМФ Велес победи, што е за очекување ќе игра во втората рунда во групата  8 чиј домаќин е Аракс наксиван првакот на Азербејџан кој на листата на УЕФА е 14-ти.

Домаќин на оваа квалификациска група е словачки  Лученец  а последен учесник е победникот од групата Ф каде се Ховокуб од Холандија, Ридинг од Англија, Мурата Сан Марино и домаќинот Линкс од Гибралтар.  Квалификациите се играат од  2-ри до 7-ми октомври.   Во првичната изјава од клубот на фејсбук напишаа :

Ќе работиме напорно и ќе се обидеме да го освоиме првото место во групата и уште еднаш да ја израдуваме Велешката публика која докажа дека го сака футсалот и заслужува да се радува на успесите на КМФ Велес кој е светла точка на градот кога е спортот во прашање - напишаа  од клубот на фејсбук.  Натпреварите ќе ги играат во Скопје оти салата Гемиџии не ги исполнува условите за натпревар од ранг на Лигата на шампионите. .

Правиме напори да се отстранат недостатоците и промени местото на одигрување. меѓутоа сами не можеме да го решиме тој проблем бидејќи се потребни значителни средства за реновирање прво на соблекувалните. Ако ова се среди тогаш ќе објавиме дека КМФ Велес своите натпревари во групната фаза од  Лигата на шампионите ќе ги игра  во салата Гемиџии- стои во информацијата на клубот.