Петар Печков

Објавено: вторник, 30 ноември 2021 263 143

Во Битола се одигра дерби натпреварот од Вторатa футсал лига, каде се сретнаа двете непоразени екипи, домаќинот КМФ Конзули од Битола и КМФ Кеги моби од Велес. Велешани супериорни, славеа со убедливи 1:6, (0:1).

КМФ Кеги моби  со став дека „Домаќините беа домаќини само во првиот дел, поради острата игра во вториот дел, спремноста на нашиот тим покажа колку може и зошто е таму, каде е. Мали нерегуларности на домашната екипа и мал инцидент во вториот дел што КМФ Кеги Моби Велес им врати со полна мрежа голови“.

Домаќините пак причината за високиот пораз ја наоѓаат во неискуството ни и  притисокот од натпреварот кој беше  борба на првото место.

КМФ Кеги моби ова му беше трет врзан дерби натпревар со екипи кои беа во врвот и сите ги доби уверливо. Така остана осамен на лидерската поизиција,  5 натпревари, исто толку победи. Следно коло КМФ Кеги Моби Велес игра на домашен терен против екипата  на СЕЕ Универзитет од Тетово, која е 6-та со три победи. Лигата брои 12 екипи.