Петар Печков

Објавено: недела, 09 март 2014 502 269

Акција Здруженска ја започнува кампањата ,,Жените прашуваат!,,  со која по втор пат ќе го одбележи МЕСЕЦОТ на правата на македонските жени, наместо 8 март како ДЕН кога ова прашање привлекува некакво внимание во јавноста. 

До жените од  Велес, Скопје, Куманово, Битола и Тетово, се  дистрибуирани     30 илјади  поштенски картички,  на кои се наоѓа листа на услуги преку кои родовата еднаквост е дефинирана низ конкретни потреби за чие задоволување е надлежна или може да помогне локалната самоуправа. 

Меѓу барањата се: канализција и чиста вода,  безбедно и нормално движење – осветлени улици, безбедни тротоари, рампи, поддршка на нашите деца со посебни потреби, грижа за нашето репродуктивно здравје, заштита од секакво вид  насилства, можност за пристојна заработувачка. 

Клучното прашање е КОГА жените ќе ги добијат овие услуги, кои се само навидум подеднакво важни за сите граѓани, а кои или ги нема, или се недоволни, или пак се скапи и жените не можат да си ги дозволат.

Обезбедувањето на овие услуги, кои за жените значат поинакво секојдневие и поголеми можности, во најголем дел од општините не се приоритет (освен на декларативно ниво) и за нив никогаш нема доволно ресурси. Од нас жените се оечкува само да готвиме, переме, пегламе, чистиме, да се грижиме за децата и постарите.

Кампањата е во функција на информирање и поттикнување на жените да почнат да ги бараат основните предуслови за остварување на нивните права, кои ги имаат на хартија, но не и во пракса. Кампањата е дел од активностите на проектот на Акција Здруженска „Родова еднаквост е секојдневна потреба“, поддржан од Проектот на УСАИД.