Петар Печков

Објавено: четврток, 16 мај 2019 397 210

На денешната, четврток,  крводарителска акција, изведена во населба Чашка, собрани беа 27 крвни единици.  Така жителите  од населба Чашка и останатите населени места во општината повторно ја покажаа нивната хуманост.

На традиционалната пролетна крводарителска акција која заеднички ја организираа Црвен крст на Република Македонија Општинска организација Велес и Институтот за трансфузиона медицина од Скопје се даруваа вкупно 27 крвни единици.

Поголем дел од дарителите или 22-ца беа од машки пол, а останатите пет од женски. Еден од дарителите за прв пат дарувал и се вброил како нов дел во најхуманото семејство – крводарители.

На двете крводарителски акции реализирани во јануари и во мај 2019 година во просториите на ООУ „Тодор Јанев“ во Чашка се даруваа вкупно 54 крвни единици или идентично на секоја од акциите по 27 дарувања.