Петар Печков

Објавено: петок, 06 април 2012 1108 324

Од понеделник до петок ќе има патнички воз со повеќе вагони, наместо т.н. моторен воз ,,шпанец,, се враќаат полумесечните и месечните билети во еден правец до Скопје. Ова е договорено помеѓу раководството на ЈП МЖ Транспорт и незадоволните  велешките патници ,кои денес попладне се сретнаа и во заеднички интерес постигнале решение по поднесените барања. 

Средбата со директорката на патнички сообраќај Наташа Дионисева и десетчлената делегација на велешки патници, доаѓа по вчерашниот трииполчасовен прекин на железничкиот собораќај, кога шест утрински воза беа сопрени на железничката станица во Велес а илјада патници повеќе часови чекаа на средба со  претставниците на МЖ.

На денешната средба постигната е согласност веднаш да се реагира со зголемување на капацитетите и со тоа да се избегнат гужвите во велешката  железничка станица, која е најфрекфентна по бројот на патници во Македонија со повеќе од илјада патници на ден.

Како што соопштуваат од Раководството на МЖ Транспорт АД – Скопје,на средбата се разговарало во иднина секогаш кога ќе настанат проблеми, заеднички да се разговара за нивно надминување со цел да се задоволат потребите на патниците и да се избегнуваат  ваквите блокади и непријатни ситуации.