Петар Печков

Објавено: четврток, 15 септември 2016 4788 286

Продолжуваат велешките рибарски приказни, но вистински документирано со фотографии.  Ако пред еден месец на Вардар се улови амур капиталец од 18,3 кг, на велешко езеро деновиве е уловен повторно амур. Но  овој за разлика од претходниот е далеку потежок и покрупен. Тежок  е цели 27 кг. а  го уловил Благој Панов. 

Цели два и пол часа се обидував да го изнесам од водата. Се намачив па ми помогнаа некои момчиња, кои дојдоа  со чамец.  Го уловив на царевка, како и другите риболовци. Не кријам амурот беше фатен на езеро Младост – вели Благој.  

Капиталецот од 27 кг.  бил  искористен како  мени за на маса за пријателите и блиските. Панов во неговиот долг риболовен стаж може да се пофали и со повеќе уловени сомови а некои тешки и до 40 кг. некои на езеро други на Вардар.