Петар Печков

Објавено: петок, 17 април 2026 8 3

На неколку локации во градот,  велешката полиција реализираше низа  едукативни активности, на различни теми. На градски пазар, на автопат кај Градско , по сообраќајниците низ градот, во населба Чашка.

 „На градскиот пазар активноста беше за заштита од имотни деликти. На граѓаните им беше посочено како да се заштитат од кражби. Активноста посебно беше насочена кон повозрасната популација, која е почеста мета на разни видови на имотни деликти, потенцирајќи им добро да ги заштитат своите домови, да внимаваат на своите лични предмети и да бидат посебно внимателни при комуникација со непознати лица. Полициски службеници од ПК Градско спроведоа превентивна активност на тема „Користи сигурносен појас“, со цел да им се укаже на возачите, но и сопатниците во возилата за користење сигурносен појас заради поголема безбедност. Се реализираше активноста на тема „Носи кацига“, наменета за лицата кои управуваат велосипеди, мопеди, мотоцикли и електрични тротинети.  Во општина Чашка беше реализирана превентивни активности со цел да се информираат возачите за ризикот што го преземаат доколку седнат зад волан под дејство на алкохол“ – соопштија од МВР.

Активности ги реализираа полициски службеници од Отсекот за превенција при СВР Велес. Во рамки на превентивните активности беше поделен и печатен едукативен материјал.

фото МВР