Петар Печков

Објавено: недела, 27 октомври 2024 245 4

Одбојкарите на ОК Борец со победа во Тетово над екипата на ОК Шкендија од 1:3 (20:25, 25:15, 21:25, 12:25)  Ова е важна победа бидејќи и домаќините важат за состав кој атакува на првите шест места од табелата. Велешани така решија една екипа од борбата за висок палсман, во своја корист. Во третото коло играат дома, исто така со тетовска екипа Универзитет Тетово, која има една победа и еден пораз.

Втора последователна победа за кошаркарите на КК Борец баскет, овој пат дома во салата Гемиџии. Победија со 96:74 над екипата на КК Соколи од Штип, која имаше максимален учинок, две победи од две кола. Велешани одиграа одлично , што го покажува и крајниот резаултат.  Во следното коло играат во Скопје со КК МЗТ Скопје Уни банка кој има исто така учинок од две победи и едне пораз, како и шест екипи меѓу кои и велешани.

Во третата фудбалска лига Југ, ФК Башкими од Горно Јаболчиште го победи тимот на ФК Дреново со 2:0 и се искачи на второто место од табелата. Вториот тим од ОФС Велес, ФК Превалец не го играше натпреварот со ФК Обршани од истоименото прилепско село, откако претходно екипата најавила дека се откажува од натпреварувањето. Пред почетокот на првенството и ФК Марена се откажа. Сите резултати на ФК Обршани досега од 8 кола се бришат(една победа). Во следното деветто коло ФК Превалец игра во крушевското село Пресил со ФК Влазними, кој е претпоследен со 3 бода а ФК Башкими игра исто така во Крушево со ФК Питу Гули кој е 9-ти  со девет бода.