Петар Печков

Објавено: понеделник, 18 март 2013 607 302

Овој викенд се играа одбојкарските куп натпревари. Во машка конкуренција екипата на Борец Брако изненади со победата над екипата на Шкендија од Тетово со  3:2 (25:20, 17:25, 25:20, 17:25, 15:10). Тие во полуфиналето ќе играат со Лирија од Жервојане, која исто како велешани направи изненадување елиминирајќи го Синалко од Крушево.

Во женска конкуренција Форпшед без поголеми проблеми како гостин  ја совлада екипата на Работнички во Скопје со   0:3 (19:25, 14:25, 21:25).  Тие во полуфиналето ќе играат со екипата на Македонија Макс од Струмица, и можност за реванш од минатонеделниот пораз во првенството на домашен терен. Вториот велешки претставник во купот, во женска конкуренција, Борец Брако дома загуби од Бами Кор со  0:3 (13:25, 19:25, 19:25).

Фудбалерите на Борец на домашен терен во саботата ја совладаа екипата на Кадино со 1:0 и останува на врвот. В сабота се игра локалното дерби, против екипата на Илинден во Башино село.