Петар Печков

Објавено: четврток, 15 јули 2021 505 137

На единствената високо образовна институција, која работи во Велес, техничко- технолошкиот факултет, од есен во новата академска година има можност да се запишат 50 бруцоши. 

Ова е согласно конкурсот за упис на  студенти во прва година,за академската 2021/22 година,  го објави  Универзитетот Св. Климент Охридски од Битола, во чии рамки постои и работи  овој факултет.  

Во двете насоки - прехранбена технологија и биотехнологија и за нутриционизам има слободни по 20 места во државната квота и по пет на двете насоки за вонредни студенти, или вкупно 50 бруцоши. 

Партиципацијата е 200 евра за државната квота и двојно повеќе, 400 евра за вонредните студенти.  И мината година, како и пред таа, имаше ист број слободни места за упис на студенти во прва година на Техничко -технолошкиот факултет во Велес. Наставата трае осум семестари.

Пријавувањето на кандидатите ќе биде во три уписни рока:  30-ти, 31-ви  август и 1-ви  септември;  15-ти  и 16-ти  септември и на  27-ми  септември.