Петар Печков

Објавено: среда, 01 април 2020 660 166

Тимовите на Општинската организација на Црвен крст од Велес денеска беа ангажирани за распределба на хуманитарни пакети.

Помошта се состоеше во храна: брашно, зејтин, шеќер, шпагети, макарони, супи, ориз, грав, леќа, млеко и паштети добија шест фамилии,  кои во изминатиот период останале без работа, семејства во социјален ризик и самохрани родители.

Пакетите беа поделени пет во Велес и еден во Градско.

Од Општинскиот црен крст  апелираат до сите граѓани и компании,кои сакат да донираат храна дека истото може да го направат во просториите на интернатот „Лазар Лазаревски“ бидејќи има зголемување на бројот на семејства кои поради кризата останаа без егзистенција а беа вклучени во  т.н. „сива економија“.