Петар Печков

Објавено: понеделник, 22 јануари 2024 3795 30

Патничкиот воз за Битола попладнево не замина од железничка станица Скопје. Патниците од Велес кои биле со намера да патуваат, ги пречекал празен перон.

На нивното прашање до вработените на МЖ на станица во Скопје, каде е возот и зошто го нема, не добиле одговор. Ова ќе значи дека ниту утре наутро нема да има патнички воз од  Битола за Скопје.

Патниците велат дека добро е што Автобуската во Скопје е веднаш до Железничката па за дома морале да се вратат со автобус.

Изминатиот период кога се откажуваа патничките возови имаше две причини или протест на вработените за неисплатена плата или лоши услови за работа или немање на патничка гарнитура бидејќи постојана се расипала.