Петар Печков

Објавено: вторник, 14 април 2015 607 286

Фудбалерите на Велес, во Првата лига на футсал победија во исклучително важен натпревар против екипата на Мал Ајакс со 2:1 со головите на Шатара и Трајков.Ова беше дерби од дното на табелата за избегнување на претпоследното место, кое води во разигрување за опстанок  на лигата. По ова 23-то коло Велес е 8-ми со 23 бода а Мал Ајакс е 9-ти со 22. Следното коло велешани се слободни. 

 Кошаркарите на Борец баскет со сигурна игра високо го победија соседот на табелата Бест од Радовиш со 100:75.  Така по 17 кола велешани се 4-ти со 24 бодови а следното коло гостуваат на екипата на Михајловски која е 10-та со 5 победи. 

Викендов се одиграа и натпреварите од 16-тото коло на Третата лига Југ. Од  трите велешки екипи само Превалец имаше добар резултат, на гостувањето во Дојран, против Дојранско Езеро одигра нерешено 1:1. Борец 1919 дома беше високо поразен од лидерот прилепска Победа со 7:1 а Бабуна загуби  во соседското дерби од табелата, во Прилеп од 11-ти Октомври со 3:1 По ова коло Превалец и натаму е трет со 33 бода, Борец 1919 е шесто со 19 а Бабуна е 8-ма со 16. Во следното коло Превалец ја пречекува екипата на Црена Ѕвезда од Јосифово, која е 9-та со пет победи, Бабуна дома игра Дојранско езеро кој е 10-ти со 16 бода  а Борец 1919 гостува на Млекар во Прилеп кој е претпоследен со три победи.