Петар Печков

Објавено: понеделник, 03 ноември 2025 194 9

Поделени се пакетите со основни прехранбени производи, за семејствата од социјален ризик. Тие се обезбедени од хуманитарната продажба на големата пита пастрмајлија на годинашната Питијада. Тогаш беа собрани 12 илјади денари и беа поделени 12 пакети.

„Волонтерите на Црвен крст на Општинска организација Велес поделија хуманитарни пакети на семејства и лица кои живеат во социјален ризик во Општина Велес.  Хуманитарната помош е „Од граѓаните за граѓаните“. Финасиските средства за оваа активност се собраа при поделбата на големата пита на манифестацијата „Велешка питијада 2025“. Велешани донираа 12.053,00 денари. Со овие средства се набавија 12 хуманитарни пакети со основни прехрамбени производи кои се поделија каде што е потребно“ -   кажа Орце Николов, секретар на ОО Црвен крст Велес. 

При подготовката биле  употребени 16кг брашно од кое било добиено 26 кг тесто, 350 јајца, 42 кг  свинско месо.