Петар Печков

Објавено: вторник, 25 август 2026 138 1

Пожарот кој пламна околу 11ч. во близина на селата Горно и Долно Чичево уште е активен. Се шири кон селото Подлес и Клепа. Гори сува трева  и ниска вегетација на голема површина, и над него немаат контрола  екипите кои го локализираат.  Таму се пожарникари од ТППЕ Велес, Неготино, Кавадарци, биле и  ер тракторите и полицискиот хеликоптер. Излегле и мештаните кои со трактори работат да извршат пресеци на теренот, за  огнот  да не се шири.  На терен се  четири возила на Дирекцијата за заштита и спасување (ДЗС. 

„Тука ќе има долга и тешка битка, можеби неколкудневна“- предупреди Стојанче Ангелов, директор на ДЗС. 

Пожарот во Градско во текот на денот неколкупати ја менуваше динамиката. Опасност има по неколку соседни лозја и овоштарници, кои се наоѓаат во близина на огнот.