Петар Печков

Објавено: четврток, 05 август 2021 1596 121

Пожар му се заканува на селото Дурутовец, на приодот од Велес. Огнот се заканил на неколку ку'и, кои се во близина на  пумпната станица.

„Запалено е стрниште, откако дошло до прекин на електричниот довод. Огнот се шири по депонијата. Спасени се четири куќи од селото. Наши екипи се на терен“ - кажа Ивица Поповски  од ТППЕ Велес, кој со колегите е на местото на пожарот.

На лице место се неколку екипи пожарникари од Велес, со две возила.  Нивна екипа е во Куманово на испомош.  На лице место се и пожарникари од Железничка станица Велес, оти во еден дел е загрозена и пругата Велес- Кочани.

Од велешката противпожарна единица предупредуваат на опасност од пожарот кој го има на планината Бабуна, во прилепскиот дел и може да префрли на територија на Општина Чашка.