Петар Печков

Објавено: вторник, 15 февруари 2011 836 390

Најголем дел од откупениот тутун е од тутунопроизводителите од селата  Чашка, Горно Оризари, Бузалково, Иванковци, Мамутчево. Најголеми колилчества, околу 500 тони откупила фирмата „Алијанс Улан‘‘ од Кавадарци, скоро двојно помалку „Центро Табак‘‘ од Велес, а помалку „Соко Мак‘‘ од Битола и  најмалку „Струмица Табак‘‘ од Струмица.

Просечната  добиена цена е 163,40 денари за килограм кај сортата басмак која е и најквалитетна сорта тутун, а нешто помалку за соратата  прилеп  - 143,72 денари и кај соратта јака од 130,08 денари за килограм.

Тутунопроизводителите ќе добијат и субвенции од по 60 денари по килограм предаден тутун.

Во Подрачната единица велат дека до крајот на откупот од Велес и велешко се очекува да се откупат околу 1.800 тони тутун  од лани засадените околу 1.080 хектари под тутун од околу  околу 2.500 тутунопроиводители во велешкиот поширок регион.

Според проценките на Подрачната единица на Министерството за земјоделство  годинава ќе бидат откупени за 400 тони тутун повеќе од лани.

Откупот во некои велешки региони се одвива отежнато, поради незадоволството на земјоделците од цената.Тоа беше причина два дена тутунарите до Бузалково и околинаа , да ги блокираат патишта кон Штип и Скопје.