Петар Печков
Објавено: вторник, 16 април 2019
Се одигра 17-тото коло од Третата фудбалска лига Центар, каде велешките тимови не беа успешни. Лидерот ФК Превалец загуби од седмо пласираниот ФК Росоман, во гости со 0:1, со гол во финишот во 80-тaта минута. Разликата по овој пораз со второпласираниот ФК Питу Гули е само бод а веќе в сабота во Превалец, се игра дербито помеѓу овие две екипи. На домашен терен загуби и ФК Бабуна од ФК Братство од прилепско Житоше со 0:1. Гостите cе петти на табелата. По ова коло ФК Бабуна остана трета но со ист број бодови 27 како и екипата на Ново Црнилиште. А токму овие две екипи играат во следното коло, во кавадаречко Црнилиште. Изненадување приреди ФК Тополка која одигра нерешено 1:1 во прилепско Кривогаштани со екипата на Младост која е десетта. ФК Тополка и натаму е последна 12-та со осум бодови. Во следното коло таа го пречекува соседот на табелата ФК Тополчани, кој има 13 бода.
Во 18-тото коло од Третата лига Исток, екипата на ФК Работник од Лозово загуби високо со 8:0 во Пробиштип од екипата на ФК Пробиштип која е шеста од осум екипи. ФК Работник останува четврти со 22 бода. Во следното коло играат дома и ја пречекуваат екипата на лидерот ФК Осогово.
Во 14 коло на Општинската фудбалска лига постигнати се следните резултати
Младост - Согле 0:4
Форца нова - Мартолци 07 2:1
Илинден БС - Локомотива не е одиграна
Горски - Башкими 5:0
слободна беше екипата на Интернационал
Т А Б Е Л А
1. Форца нова 12 10 1 1 29: 9 31
2. Мартолци 07 12 8 1 3 39:17 25
3. Башкими 12 6 1 5 20:20 19
4. Локомотива 11 5 3 3 24:23 18
5. Илинден БС 11 5 0 6 21:21 15
6. Горски 13 4 2 7 19:24 14
7. Младост 12 4 2 5 13:27 14
8. Согле 13 3 2 8 19:31 11
9. Интернационал 12 3 0 8 27:36 9
Во следното 15 коло играат:
Башкими - Илинден БС
Локомотива - Форца нова
Мартолци 07 -Младост
Согле - Интернационал
слободна е екипата на ФК Горски
| Tweet |
