Петар Печков
Објавено: недела, 09 април 2023
Во третото коло од разигрувањето за опстанок во Прваа ракометна лига, екипата на МРК Борец загуби во Штип од првопласираниот тим во оваа конкуренција, РК Текстилец со 50:23 (20:11). Екипата на РК Бисинов во ова коло беше слободна. Во следното МРК Борец ја пречекува екипата на РК Јехона од Гостивар која е претпоследна, 8 со 9 бода, додека РК Бисинов игра во Ресен на РК Преспа, и двете екипи имаат по 12 бода.
Заврши првенството на Втора кошаркарска лига, за екипата на КК Борец баскет и тоа со пораз дома. .По две продолженија загубија од КК Шкупи со 98:102. Велешани по 22 одиграни кола се 10-ти и остануваат во оваа конкуренција и следната година.
Одбојкарите на ГОК Борец вториот полуфинален натпревар од разигрувањето за титулата ќе го играат вечерва, понеделник, со почеток од 19 ч,. во салата Гемиџии, и директен пренос на МРТВ 3. ОК Шкендија по победата во првиот натпревар води со 1:0 а се игра на две добиени средби.
| Tweet |
