Петар Печков

Објавено: вторник, 03 март 2026 83 5

Средства за смирување на сообраќајот, таканаречени "лежечки полицајци", поставени се на две локации во Велес, кај Стар мост и во населба Превалец.   

Точката кај Стар мост  беше критична поради фреквентниот сообраќај и движење на пешаците, но со измената на законските прописи се овозможи надминување на овој проблем.

„Со цел спречување на заобиколување на препреките поставени се и столпчиња помеѓу, со што дополнително се зголемува безбедноста.  Безбедноста на сите учесници во сообраќајот останува приоритет во работењето“ – информираа од локалната власт.

Во наредниот период, во зависност од потребите, ќе се изработува прокет за поставување на т.н. легнати полицајци и на други локации во градот, со цел поголема безбедност на сите учесници во сообраќајот.

фото Општина Велес