Петар Печков

Објавено: четврток, 31 октомври 2024 144 2

Првито анимиран македонски филм премиерно ќе се прикаже в петок, а потоа и недела, вторник и среда со почеток до 18ч.  „Јон Вардар против галаксијата“ е хумористична приказна за еден натпросечно потпросечен човек, еден нарцисоиден робот и многу вонземјани кои се на мисија да ја спасат галаксијата од себеси. 

Премиера има и хрватскиот филм „На се му доаѓа крај“, работен во копродукција со Македонија. Макс Пинтер, успешен адвокат од Загреб, успева да ги отфрли обвиненијата против неговиот клиент за двојно убиство, богатиот и моќен бизнисмен Динко Хорват. На прославата, Макс е пијан и му кажува на Динко дека ладнокрвно ги убил работниците, кои што дошле да прашаат за своите плати. Тој го губи својот партнер и клиенти, а неговата сопруга го напушта. Со својата девојка од универзитетските денови, Нина, започнува мисија за одмазда. Од друга страна, никој во оваа приказна не е целосно невин и сите се тесно поврзани. Филмот е работен по романот на Мирослав Крлежа „На работ на паметот“.

Премиера и за американската комедија „Гудрич“.  Животот на Енди Гудрич (Мајкл Китон) целосно се превртува кога неговата жена и мајка на нивните деветгодишни близнаци влегува во 90-дневен програм за рехабилитација, оставајќи го сам со нивните деца. Неочекувано втурнат во свет на модерно родителство, Гудрич се потпира на својата ќерка од првиот брак, Грејс (Мила Кунис), додека на крајот еволуира во татко каков што Грејс никогаш го немала.

Американскиот хорор „Супстанца“ е премиера. Елизабет Спаркл, ѕвездата на шоуто за аеробик, добива отказ на својот 50-ти роденден, по што следувала неочекувана понуда. Мистериозна лабораторија и нуди супстанција која преку репликација на клетките ја прави Елизабета да стане „помлада и подобра“ верзија на себе.

Уште една премиера на хорор „Багмен“ . Кога мрачна закана од неговото детство се враќа да го прогонува, еден татко очајно се бори против своите најдлабоки внатрешни стравови. Но овој пат, борбата не е за него, туку за неговото семејство.

Веном: Последниот танц- американски акционен фим, за супер јунаци. Најгледаниот филм изминатиот викенд во светот. Том Харди се враќа како Веном, еден од најдобрите и најсложени ликови на Марвел, за последниот филм во трилогијата. Еди и Веном се во бегство. Ги ловат обата нивни света и како што мрежата се затвора, двојката е принудена да донесе страшна одлука што ќе ја спушти завесата на последниот танц на Веном и Еди.

Уште еден хорор „Терифиер 3“. Кловнот Арт  подготвува хаос за жителите на округот Мајлс, додека тие мирно спијат за Бадник. Се наоѓа на шестото место по гледаност од викендот зад нас. 

Четврти хорор на репертоарот на 3Д Киноверзум. Хоророт „Насмевка2“  на второ мeсто по гледаност во светот изминатиот викенд. Подготвена да започне новa турнеја, младата поп ѕвезда Скај Рајли (Наоми Скот) почнува да се справува со најстрашниот и необјаснив настан. Обземена од ужасите и притисоците на славата, Скај е принудена да се соочи со своето мрачно минато за да ја врати контролата врз нејзиниот живот пред да излезе од контрола.

Анимираниот „Дивиот Робот“ е исто така нов филм, две седмици на второто место по гледаност во светот, изминатата на трето.  По бродолом, интелигентниот робот наречен Роз се наоѓа заглавен на ненаселен остров. За да преживее во суровата околина, Роз се здружува со животните на островот и се грижи за едно сирaче млада гуска.

Анимираниот „Подлиот јас 4“ филм кој со сите 4 дела заработи пет милијарди долари. Гру, омилениот светски супернегативец кој по многу пресврти стана агент на Лигата на негативци, се враќа во возбудливата, смела нова ера на хаосот на Minions во новото продолжение продуцирано од студиото Illumination.